يوميات مواطن مهتري 2

حَب صاحبنا المهتري يجرّب يوصل مشوارُ بالتكسي ليرتاح من بهدلة السرافيس , عمل خطة اقتصادية وحسبا منيح , طلع معه إجرة مشوار واحد بالتحلوي رح تلتهم 35 ل.س يعني 6توصيلات سرفيسية إلا ليرة ....بس يلاّ كلو ماشي .
وَقف تحلوي ..ركب .. لو سمحت خيي على شارع ......
وعند أول إشارة مرور بَلَش السائق ينفّـخ ويلعن ...وابتدا اللعي !
يا خيي والله هَيّ مو حالة ,,,زَمَّر ,,,
يعني معقول طرقات ل100 سيارة صار في مليون سيارة .
يعني ما حدا صار بيعرف يعيش بلا سيارة أي شو بدها الشوارع اتساع ,,,زَمَّر ,,,
طلع خلقوا والله ,الله يمضيها على خير,
ولك يلاّ يا حمـــــــــــ..... العمى يلعنك ويلعن لِ جابكون (قصدو السرافيس ) شو هاللعنة هَيّ ...منشان ليرة بيقطع السير وساعة يمين وساعة شمال ...ليك ليك كيف برم وجهُ قال مو شايفو ..يظهر قابض المعلوم من الصبح ,,,زَمَّر,,,
شَعل سيكارة ...نَفَّخ ..نفخ ..وكمان نفخ , وصدفة ضربت سيكارتـُه
بعلبة العداد الجديد المخصص للأجرة .. اتذكر ,,,زَمَّر,,
ليك على هالنصبة كمان 9000ليرة الله لا يفقون . بحمص ركّبوه ب5000ليرة وممنوع تركب إلا بطرطوس وما في إلا عند واحد فقط ..يا خي وشو نفعوا إذا ما عمنستعملهُ ,,زَمَّر ,,
يا خيي ما بتوَفّي معنا عالعداد .شو حالحكي هاد ..قال عداد,
ورسوم بتقص الضهر ..وبنزين معبى وسخ ..ماعم نلحق تصليح ..
وبعدين التكسيات عبّت البلد .أي صارت تكسي لأجرة شغلة لِ ما إلو شغلة,صار المعلم بعد دوام التعليم سائق تكسي ,والموظف شرحو ولك حتى سائق التكسي بعد الدوام بشتغل على تحلوي ,
هههههههههههه
قال عم يرطب الجو ,,,زَمَّر,,
لحظه خيي نزلني هون بعد اذنك ,
بس مو هون شارع ..........
يا خيي أنا بدي انزل هون اتذكرت شي ولازم أخده ,اتفضل
رجعلو 10 ليرات
خيي باقي 5ليرات
وحياتك ما بقي فراطه
يلأّ بعدين من طالعلك ياها
شوفو شوفو .قال بيطالعا بعدين وهوي مطالع روحي من لحظة ما ركبت معُه, دخلك فيك تزمرلي بهالخمسة
تمتم وها لمرة بدل ما يزمر زَنبَروشفّط واختفى ,
لا تواخذنا حبَيبسامحنا غالي ..ازعجناك حباب
العمى ...أصلاً كل الحق عليي من شو بيشكي السرفيس ..أي اتنيناتن نفس الجَئمه بس الفرق بشغلة بالتحلوي بتنقرط بخمسة بالسرفيس بقرطك بليرة
ولك وضريبة بهالعيشه